Blog of Dr. A Sajidas - Malayalam blog

ഡോ. എ. സജിദാസ് (Managing Director, BIOTECH INDIA Renewable Energy , International Consultant – Biogas, Waste Management & Sustainable Development) ലോക പരിസ്ഥിതി ദിനം നമ്മെ പ്രകൃതിയോടുള്ള ചുമതല ഓർമപ്പെടുത്തുന്ന ദിനമാണ്. വൃക്ഷങ്ങൾ നടൽ, ബോധവൽക്കരണ ക്യാംപുകൾ, വൃത്തിയാക്കൽ പ്രവർത്തനങ്ങൾ ഇവയെല്ലാം ചെയ്യുമ്പോഴും നമ്മൾ മറക്കാതെ കാണേണ്ട ഒരു വസ്തുതയുണ്ട് – മാലിന്യങ്ങൾ പരിസ്ഥിതിക്ക് വലിയ വെല്ലുവിളിയാണ്. പക്ഷേ അതേ സമയം, അതിനു പരിഹാരമാകുന്നൊരു ശക്തമായ മാർഗ്ഗം നമുക്ക് ലഭ്യവുമാണ് – മാലിന്യങ്ങളിൽ നിന്നുള്ള ബയോഗ്യാസ് ഉത്പാദനം. മാലിന്യത്തിന്റെ ആശങ്കകൾ ഇന്ന് നഗരങ്ങളിലും ഗ്രാമങ്ങളിലും ഒരുപോലെ, ജൈവമാലിന്യങ്ങളുടെ ഗുരുതരമായ പ്രശ്നങ്ങളാണ് നിലനിൽക്കുന്നത്. അടുക്കളമാലിന്യം, ഹോട്ടലുകൾ, മാർക്കറ്റുകൾ, ഹോസ്റ്റലുകൾ, സ്കൂളുകൾ തുടങ്ങിയ എല്ലായിടത്തു നിന്നും പുറന്തള്ളുന്ന മാലിന്യങ്ങൾ അനാവശ്യമായി മണ്ണിലും വെള്ളത്തിലും മലിനീകരണം സൃഷ്ടിക്കുകയും, ഹാനികരമായ മീഥെയിൻ ഗ്യാസ് പുറത്ത് വിടുകയും ചെയ്യുന്നു ഇത് മാത്രമല്ല, പാചക വാതകങ്ങൾക്കായുള്ള ഉയർന്ന അളവിലുള്ള ആശ്രയവും ഇറക്കുമതിയും, സാധാരണ ജനത്തെ സാമ്പത്തികമായി ബാധിക...

ബയോഗ്യാസ് പ്ലാന്റ് വീട്ടമ്മയുടെ സുഹൃത്ത്/ സഹായി ( തയ്യാറാക്കിയത് - ഡോ. എ. സജിദാസ് ഇന്റര്‍നാഷണല്‍ കണ്‍സള്‍ട്ടന്റ് - ബയോഗ്യാസ് ) ദൈനംദിന പ്രവര്‍ത്തനങ്ങളുടെ ഫലമായുണ്ടാകുന്ന ഗാര്‍ഹികാവശിഷ്ടങ്ങള്‍ കുറച്ചുസമയം കഴിയുമ്പോള്‍ മാലിന്യങ്ങള്‍ എന്ന വിഭാഗമായി മാറുന്നു.  എന്നാല്‍ ഭക്ഷണം പാകം ചെയ്യുന്ന സമയത്തോ ഭക്ഷണം കഴിച്ചുകൊണ്ടിരിക്കുമ്പോഴോ ഇവ നമ്മുടെ ഭക്ഷണത്തിന്റെ ഒരു ഭാഗം മാത്രമായിരിക്കും.  ഭൂമിയില്‍ ഒന്നും പുതുതായി ഉണ്ടാകുന്നില്ല ഒന്നും നഷ്ടപ്പെടുന്നും ഇല്ല, കേവലം രൂപമാറ്റം മാത്രം സംഭവിക്കുന്നു എന്നുളള സന്ദേശത്തിന് ഈ അവസരത്തില്‍ പ്രസക്തിയേറുന്നു.  ഈ തത്വത്തിന്റെ അടിസ്ഥാനത്തില്‍ അടുക്കളയില്‍ നിന്നും പുറന്തളളുന്ന ജൈവാവശിഷ്ടങ്ങള്‍ അടുക്കളയിലേക്ക് തന്നെ എങ്ങനെ തിരിച്ചെത്തുന്നു എന്നു നോക്കാം. ഉപയോഗശൂന്യമായി വലിച്ചെറിയുന്ന അവശിഷ്ടങ്ങളില്‍ വേഗത്തില്‍ ജീര്‍ണിക്കുന്ന പാചകം ചെയ്ത ഭക്ഷണ അവശിഷ്ടം, മത്സ്യ മാംസാവശിഷ്ടം, പഴം പച്ചക്കറിയുടെ അവശിഷ്ടം തുടങ്ങിയവയും സാവധാനം ജീര്‍ണിക്കുന്ന വാഴയില, പുല്ല്, നാര ്അധികമുളള പച്ചക്കറിയുടെ തൊലി, മുട്ടത്തോട്, ഉളളിതൊലി മുതലായവയും വളരെ സാവധാനം ജീര്‍ണിക്കുന്ന...

   ജലം ജീവന്റെ നിലനിൽപ്പിന് അത്യന്താപേക്ഷിതമാണെന്ന കാര്യത്തിൽ രണ്ടഭിപ്രായം ഉണ്ടെന്നു തോന്നുന്നില്ല. എന്നാൽ ജലം ശരിയായ വിധത്തിൽ കൈകാര്യം ചെയ്യുന്നതിൽ എന്താണ് നമ്മുടെ കാഴ്ചപ്പാട്? നമുക്ക് എന്ത് ചെയ്യാൻ കഴിയും? ലോക ജല ദിനത്തിൽ ഇത്തരം കാര്യങ്ങളിലേക്ക് ഒരെത്തിനോട്ടം നടത്താം. ശുദ്ധ ജലം ആവശ്യാനുസരണം ലഭിക്കുന്നുണ്ടല്ലോ പിന്നെന്താ എന്ന ചോദ്യത്തിന്റെ പ്രസക്തി സഷ്ടപ്പെട്ടിരിക്കുന്നു എന്നാണ് സമീപകാലത്തുള്ള പഠനങ്ങൾ തെളിയിക്കുന്നത് . ഭൂമിയുടെ അന്തർഭാഗങ്ങളിൽ ശേഖരിക്കപ്പെടുന്ന ഭൂഗർഭ ജലം പോലും ഭീതിദായകമാം വിധം മലിനമായിക്കൊണ്ടിരിക്കുന്നു എന്നത് ഒരു യാഥാർത്യം . കുടിവെള്ളമെത്തിക്കാൻ തയ്യാറാക്കിയിട്ടുള്ള ശുദ്ധജല പദ്ധതികളിൽ ഏറിയ പങ്കും മലിന ജലസ്രോതസുകളുമായോ മാലിന്യ കൂമ്പാരങ്ങളുമായോ ബന്ധപ്പെട്ടുകിടക്കുന്നു എന്നത് മറ്റൊരു യാഥാർത്യം. ശുദ്ധജലം എന്ന പേരിൽ ജലവിൽപ്പന നടത്തുന്ന ബഹുരാഷ്ട്ര കമ്പനികൾ ഉൾപ്പെടെയുള്ളവ വിതരണം ചെയ്യുന്ന കുപ്പിവെള്ളത്തിൽ  ആരോഗ്യത്തിന് ഹാനികരമാം വിധത്തിൽ നിരവധി ഘടകങ്ങൾ അടങ്ങിയിരിക്കുന്നു എന്നുള്ളതും മറ്റൊരു യാഥാർത്യം മാത്രം . ഈ യാഥാർത്യങ്ങൾ കേട്ട് ഞെട്ടൽ തോന്നുന്നുണ്ടോ? തോന്...

ഗാർഹിക മാലിന്യങ്ങളിൽ നിന്നും ദ്രവ ജൈവവളം ഓരോ വീട്ടിലും ലഭിക്കുന്ന ജൈവ മാലിന്യങ്ങളിൽ നിന്നും വളരെ ചെലവു കുറഞ്ഞ വിധത്തിൽ ജൈവ പച്ചക്കറി കൃഷിക്ക് ആവശ്യമായ ദ്രവ ജൈവവളം ഉണ്ടാക്കി എടുക്കാൻ പര്യാപ്തമായ സാങ്കേതികവിദ്യ ഇപ്പോൾ ലഭ്യമാണു്. . ഗാർഹിക ജൈവമാലിന്യങ്ങൾ എന്നു പറയുമ്പോൾ അത് വിവിധ തരം മാലിന്യങ്ങളുടെ ഒരു മിശ്രിതം തന്നെയാണല്ലോ? ഇവയിൽ വേഗത്തിൽ ജീർണിക്കുന്ന പാചകം ചെയ്ത ഭക്ഷണ അവശിഷ്ടം, മത്സ്യ മാംസാവശിഷ്ടം, വിവിധ തരം പഴങ്ങളുടെ അവശിഷ്ടം എന്നിവയും മൽസ്യ മാംസാദികൾ കഴുകുന്ന വെള്ളം, കഞ്ഞി വെള്ളം, ധാന്യങ്ങൾ കഴുകുന്ന വെള്ളം എന്നിവയും ദ്രവ ജൈവവള നിർമ്മാണത്തിനായി ഉപയോഗിക്കാം. ജൈവ മാലിന്യങ്ങൾ അന്തരീക്ഷവായു ലഭ്യമല്ലാത്ത സാഹചര്യങ്ങളിൽ ആയിരിക്കുമ്പോൾ   പ്രത്യേക വിഭാഗത്തിൽപ്പെടുന്ന സൂഷ്മാണു ജീവികൾ ജൈവവസ്തുക്കളെ വിഘടിപ്പിക്കുന്ന പ്രവർത്തന ഫലമായാണ് അവ  ജൈവവളമായി മാറുന്നത്. ഇതിനായി അന്തരീക്ഷവായുവിന്റെ അഭാവത്തിൽ മാത്രം പ്രവർത്തിക്കുന്ന ഇത്തരം സൂഷ്മാണു ജീവികളെ പ്രാരംഭമായി വളർത്തിയെടുക്കേണ്ടതുണ്ട്.  മനുഷ്യന് യാതൊരു വിധത്തിലും ഹാനികരമല്ലാത്ത ഇവ  ഒരു പ്രാവശ്യം പ്രവർത്തനമാരംഭിച്ചാൽ തു...

ഗൃഹ  മാലിന്യ  സംസ്കരണത്തിൽ  വീട്ടമ്മമാരുടെ  പങ്ക് നമ്മുടെ ദൈനംദിന പ്രവർത്തനങ്ങളുടെ ഫലമായി വിവിധ തരത്തിലുള്ള മാലിന്യങ്ങൾ ഉണ്ടാകുന്നു. ഇവയെ യഥാസമയം സംസ്കരിക്കേണ്ടത് ശുചിത്വം നിലനിർത്തുന്നതിനും ആരോഗ്യം സംരക്ഷിക്കുന്നതിനും അത്യന്താപേക്ഷിതമാണ്. മാലിന്യ സംസ്കരണം തദ്ദേശ സ്വയംഭരണ സ്ഥാപനങ്ങളുടെ ചുമതലയാണെന്ന് പറഞ്ഞ് സ്വയം മാറി നിൽക്കാൻ കഴിയാത്ത ഒരു സാഹചര്യമാണല്ലോ ഇപ്പോൾ സംജാതമായിരിക്കുന്നത്. സ്വന്തം വീട്ടിലും സ്ഥാപനങ്ങളിലും ഉണ്ടാകുന്ന മാലിന്യങ്ങൾ അതുണ്ടാക്കുന്നവർ തന്നെ സംസ്കരിക്കണം എന്നുള്ള ഒരു അവസ്ഥയാണ് ഇപ്പോൾ നിലനിൽക്കുന്നത്. ആരോഗ്യകരമായ ഒരു ജീവിതം നയിക്കാൻ ഒരു പരിധി വരെയെങ്കിലും ഇത് ആവശ്യവുമാണ്. വീടുകളിലെ ദൈനംദിന കാര്യങ്ങൾ നടത്തിക്കൊണ്ടു പോകാൻ വീട്ടമ്മമാർ ബുദ്ധിമുട്ടു  ചില്ലറയൊന്നുമല്ല . എന്നിരുന്നാലും  വീടുകളിലെ മാലിന്യ സംസ്കരണത്തിൽ വീട്ടമ്മമാരുടെ പങ്ക് എത്രത്തോളമാണെന്ന് പരിശോധിക്കാം  ഓരോ വീട്ടിലും ദൈനംദിന പ്രവർത്തനങ്ങളുടെ വിവിധ ഘട്ടങ്ങളിൽ പലതരത്തിലുള്ള മാലിന്യങ്ങൾ ഉണ്ടാകുന്നു.  വീടുകളിലെ മാലിന്യങ്ങളിൽ മുഖ്യപങ്കും ഭക്ഷണം പാകം ചെയ്യുന്നതിന...